Le slám blianta anois tá dícharbónú ar leictreachas ina ceist thábhachtach do thodhchaí chríocha na n-oileán. Chuige sin caithfidh oileáin a gcórais fuinnimh a athrú chun teorainn a chur le hathrú aeráide agus déileáil leis an mbaol ó thaobh ganntanas breoslaí iontaise. Ar an bhfáth seo, tá go leor tionscadal ar bun ar fud an domhain le nach mbeidh na críocha seo ag brath ar bhreoslaí iontaise níos mó. Léiríonn samplaí cáiliúla ar nós El Hierro nó Samsø gur féidir é seo a bhaint amach.
Deacracht le Méadú
Ó tharla na tionscadail seo a bheith ar bun ar oileáin le daonra de chúpla míle áitritheoir, ní ionann na deacrachtaí teicniúla agus eacnamaíochta a bhíonn le sárú acusan agus a bhíonn ag oileáin ina mbíonn daonraí de na céadta mílte áitritheoir. Chomh maith leis sin bíonn dlúthcheangal ag na dúshláin theicniúla seo leis na foinsí fuinneamh in-athnuaite a bhíonn ar fáil i ngach oileán agus na riachtanais ídithe ar leith a bhíonn acu ó thaobh na haeráide agus a ngníomhaíochtaí socheacnamaíocha. Ciallaíonn aistriú chuig córas difríocht fuinnimh go gcaithfear múnlaí nua gnó a leagan amach agus fiú go mbeadh gníomhaithe nua eacnamaíochta comhtháite leo agus teacht chun cinn creat oibre rialála.
Ó oileán amháin go hoileán eile, faoina cúinsí seo, bheadh éagsúlacht sa mhacasamhlú ar thorthaí an tionscadail, rud a chiallaíonn nach mbeadh sé córasach. Dá bhrí sin theastódh plean ina leagfaí amach an réiteach teicniúil, eacnamaíochta agus rialála ab fheiliúnaí do chaon chríoch.
Réiteach an Togra REACT
Taobh istigh de chreat thogra REACT tá réiteach leagtha amach do thrí oileán phíolótacha le 100% dá gcuid leictreachais a dhéanamh as foinsí in-athnuaite, ag úsáid ardán TFC néalbhunaithe, táirgeadh díláraithe, gléasanna stórála agus bainistiú an éilimh. Beidh an réiteach seo á thástáil agus á dheimhniú sna críocha seo. Tá sé bunaithe, tríd is tríd, ar ardán ina ndéanfaí optamú ar sholáthar fuinneamh iliompróra agus ar éileamh iomlánaíoch comhoibritheach trí straitéis uathoibrithe agus láimhe.
Toisc go bhféadfadh sé nach mbeadh fáil ar roinnt foinsí fuinnimh in-athnuaite tá sé ríthábhachtach go mbeadh cothromas idir táirgeadh agus ídiú le seasmhacht eangaí a chinntiú. D’fhéadfaí é seo a dhéanamh le gléasanna stórála fuinnimh ach freisin trí fhreagairt don éileamh. I gcás freagairt don éileamh is amhlaidh a laghdaítear an móréileamh trí dheireadh a chur le húsáid leictreachais nó é a bhogadh go hamanna le níos lú éilimh.
Cuirfidh an leigheas atá leagtha amach i dtogra REACT straitéis uathoibrithe ar fáil do rialú optamaithe ar ghnátháiseanna mar aon le straitéis láimhe le haghaidh idirghabhálacha láimhe na dtomhaltóirí deiridh. Léireofar é i bpobail bheaga ina mbeidh malairt fuinnimh optamaithe á dhéanamh idir bloic foirgneamh/tithe nó ceantair.
Plean maidir le Méadú agus Macasamhlú
Breathnaíonn sé go bhféadfaí seachadadh fuinnimh ag an scála seo a bhainistiú ach ní gá go mbeadh sé sin soiléir i gcás pobail níos mó. Sin é an fáth go gcuideoidh na hoileáin atá níos mó, ar a dtugtar «na hoileáin leantacha» i dtogra REACT: Oileán Gotland, Lesbos Prefecture, Inis Iocht, Oileán Majorca agus Oileán Reunion, le leagan amach an phlean macasamhlaithe maidir le teacht timpeall ar an méadú de réir scála. Scrúdófar é seo trí ionsamhlú. Áireofar modheolaíocht ann freisin d’anailís agus calabrú na straitéise maidir leis an rialú ab fhearr agus an fhreagairt ar éileamh. I gcás méadú de réir scála, bheadh an glacadh a bheadh ag na tomhaltóirí leis agus an comhordú ar straitéis fhreagartha uathoibrithe agus láimhe don fhreagairt ar éileamh ina ndúshláin shuntasacha. Ar deireadh, is cúnamh iad líon éagsúil na ndaonraí, na leibhéil ídithe fuinnimh agus aeráidí chun léargas a fháil ar bhuntáistí an leighis atá curtha chun cinn ag REACT.
Mar chríoch ba cheart go n-éascódh macasamhlú an leighis atá ag REACT úsáid agus comhtháthú ar fhuinneamh in-athnuaite uaineach, ar nós fuinneamh na gréine agus na gaoithe, mar gurb iad na príomhfhoinsí fuinneamh in-athnuaite fós iad i bhformhór na gcríoch oileánda. Ag deireadh an lae d’fhéadfadh deis a bheith ag tomhaltóirí a gcostas fuinnimh a laghdú, a dtionchar timpeallachta agus a mbuiséad a fheabhsú agus go mbeadh buntáiste ann freisin d’oibreoirí an eangaí ó thaobh breis solúbthachta agus seasmhacht níos fearr san eangach.
