Ón 14ú go dtí an 16ú Meitheamh, bhí REACT ag glacadh páirt ghníomhach i roinnt ceardlanna ag comhdháil Sustainable Places 2023. Bhí comhdháil na bliana seo i Madrid (mar ócáid hybrid) agus í ag tógáil ar a mbaineadh amach anuraidh. Roinn REACT an dul chun cinn a bhí déanta agus thugamar ionchur i bplé maidir le hábhair éagsúla a bhain le pobail fuinnimh, rannpháirtíocht saoránaigh, agus an t-aistriú go fuinneamh glas.
Seo léargas ar pháirtíocht REACT sna trí cheardlanna ar ghlacamar páirt iontu:
1- Pobail Fuinnimh Páirt 1: Teicneolaíochtaí, Seirbhísí, agus Rialacháin – Ceardlann Oibre
Sa cheardlann seo, ghlac REACT páirt i gcomhar le tograí eile, ina measc FEDECOM, POCITYF, DE-RISK, BECKON, CREATORS, MASTERPIECE, agus LocalRES chun cíoradh a dhéanamh ar theicneolaíochtaí, threoirlínte agus chreatlachtaí rialála a bhaineann leis an bhfuinneamh in-athnuaite a thacaíonn le bunú agus fás pobail fuinnimh san Eoraip. Trí chur i láthair agus plé, chíor na rannpháirtithe na forbairtí teicneolaíochta, seirbhísí, agus rialacháin ata ag tiomáint fás na bpobal fuinnimh. Rinne Francisco Javier Díez ó Tekniker ionadaíocht thar ceann REACT ag an gceardlann seo.
![](https://react2020.eu/wp-content/uploads/sites/5/2023/06/francisco3-1024x768.jpg)
![](https://react2020.eu/wp-content/uploads/sites/5/2023/06/respuestas-1024x768.jpg)
Labhair REACT ag an gceardlann seo i dteannta na dtograí seo a leanas COMMUNITAS, HESTIA, LIGHTNESS, NEON, RESCHOOL, agus DE-RISK. Bhí an bhéim sa cheardlann seo ar thuiscint a fháil ar na deiseanna agus na srianta a bhaineann le rannpháirtíocht saoránaigh agus tomhaltóirí i bpobail fuinnimh. Pléadh agus cuireadh modheolaíochtaí agus uirlisí i láthair chun rannpháirtíocht éifeachtacht a chothú agus chun tusicint níos doimhne a fháil ar an gcaoi le daoine aonaracha a fháil páirteach i bpróiseas an aistrithe fuinnimh. Ba é Fausto Sainz Salces ó COMET a rinne ionadaíochta ar REACT agus a léirigh taithí an togra.
![](https://react2020.eu/wp-content/uploads/sites/5/2023/06/tambehind-1024x768.jpg)
![](https://react2020.eu/wp-content/uploads/sites/5/2023/06/panelist-1024x768.jpg)
![](https://react2020.eu/wp-content/uploads/sites/5/2023/06/panelgood-1024x768.jpg)
Sa cheardlann seo, an 5ú ceann de shraith, bhí sé d’aidhm aige an comhoibriú idir tograí éagsúla gaolmhara H2020 atá ag obair ar dícharbónú oileán agus an aistriú fuinnimh, a neartú. Tháinig na tograí seo a leanas le chéile NESOI, IANOS, INSULAE, VPP4ISLANDS, ROBINSON, MAESHA, GIFT agus REACT chun taithí saoil a roinnt, léargais, agus torthaí teicniúla a bhain le oileáin gheograifeacha an AE. Dhírigh cur i láthair ar an idirphlé le eagrais an AE, scéimeanna airgeadais, agus na ceachtanna a bhí foghlamtha. Fuarthas aiseolas ón lucht féachana i dtaobh srianta, deiseanna, agus riachtanais na n-oileán i dtaca le ról ceannasach a ghlacadh san aistriú go fuinneamh glas san Aontas Eorpach. Labhair Fausto Sainz Salces ar son REACT ag an ócáid seo ar mhaidin dheireanach na comhdhála.
![](https://react2020.eu/wp-content/uploads/sites/5/2023/06/explicacion-768x1024.jpg)
![](https://react2020.eu/wp-content/uploads/sites/5/2023/06/answers-768x1024.jpg)
![](https://react2020.eu/wp-content/uploads/sites/5/2023/06/andando-1024x768.jpg)
Trí rannpháirtíocht ag na ceardlanna seo, chuir REACT leis an aistriú eolais, leis an bplé comhoibríoch, agus leis an gcuardach le haghaidh réitigh nuálaíocha ar féidir leo dlús a chur le glacadh teicneolaíochtaí fuinnimh atá glan ahus bunú pobail fuinnimh inmharthana.
![](https://react2020.eu/wp-content/uploads/sites/5/2023/06/IMG_20230616_102328057-1024x768.jpg)
![](https://react2020.eu/wp-content/uploads/sites/5/2023/06/poster-chulo.jpg)
![](https://react2020.eu/wp-content/uploads/sites/5/2023/06/papeles-react-1024x768.jpg)
Críoch iontach ar iarracht iontach!